A Policía Local precintou un edificio situado na rúa Falperra de Vigo tras resultar alagado ao rexistrarse unha fuga de auga. Tal como informou devandito corpo de seguridade, foi na mañá deste pasado luns cando unha veciña da rúa Pi e Margall alertou de que se estaba filtrando auga na súa vivenda que proviña un edificio contiguo da rúa Falperra. Unha vez alí, os axentes observaron que a auga estaba a alagar un patio interior, superando o metro de altura e entraba no baixo do edificio. Outra patrulla localizou o punto exacto de onde procedía a fuga, sendo este na rúa Falperra.

Alí, a auga cubría a totalidade dos trasteiros situados na planta -1 doutro inmoble. Por iso, procedeuse a apontoar o baixo do primeiro edificio e a cortar a subministración eléctrica. Tamén se cortou a auga no segundo inmoble e achicouse a auga, sendo precintado este como medida preventiva. “Espérase que unha vez se controle tal situación e realizadas as reparacións necesarias, o edificio poida ser reaberto e os residentes regresen aos seus fogares, xa que nestes momentos atópanse situados en casas familiares”, indicou a Policía Local.