O corpo sen vida de Manuel Álvarez Casal, un home de 56 anos veciño do municipio pontevedrés da Cañiza que levaba desaparecido desde o pasado 31 de xaneiro, foi localizado sen vida este sábado nas proximidades do río Valeixe. Fontes consultadas por Europa Press confirmaron que unha muller que paseaba pola zona observou o cadáver sobre as 17.30 horas e puxo a situación en coñecemento das forzas de seguridade ao crer que se podería tratar do home desaparecido.
A principios do mes de febreiro mobilizáronse para a súa procura un dispositivo no que formaron parte axentes da Garda Civil, membros do GES de Ponteareas, Protección Civil de Cortegada-Oitavén ou voluntarios e chegouse a desprazar tamén o Grupo de Apoio Loxístico (GALI) da Axega cos drons.
