Un home foi detido na madrugada deste xoves en Vigo tras ameazar, insultar e losquear á súa parella mentres vían a televisión en cama. Segundo informa a Policía Local, os feitos producíronse pasadas as 01.00 horas, cando unha muller de 43 anos alertou de que fora agredida nun domicilio da rúa Romil. Unha vez no punto, a suposta vítima explicou aos axentes que se atopaba na súa habitación vendo a tele coa súa parella cando comezaron a discutir, como era habitual na súa relación.

No transcurso da devandita discusión, o home comezou a insultala e a ameazala, para logo propinarlle un bofetón na cara. No domicilio atopábanse o pai da muller e o fillo dela, os cales manifestaron que escoitaran a discusión e os insultos, asegurando que esta situación se repetía de forma habitual. Por iso, o home foi detido como presunto autor dun delito de violencia de xénero.