Un home, J.M.T.F. de 51 anos de idade, foi detido o pasado sábado en Vigo tras darlle un cabezazo á súa cuñada e romperlle varios dentes. Segundo informa a Policía Local, os feitos ocorreron sobre as 20.15 horas nun domicilio na rúa Baixada Ponte Nova. Unha vez no punto, os axentes falaron cunha muller, que presentaba lesións na boca consistentes na falta de varias pezas dentais.

Ela indicou que fora agredida e ameazada polo seu cuñado. Por isto, os policías entrevistáronse o home, que admitiu ter unha forte discusión coa vítima, no medio da cal lle propinou un cabezazo na cara. Por iso, foi detido como presunto autor dun delito de violencia no ámbito familiar. A muller foi trasladada a un centro hospitalario para ser atendida.