Un accidente rexistrado na mañá deste luns no túnel da VG-20 á altura do barrio vigués de Alcabre deixou unha persoa ferida e longas retencións na zona. Tal como informaron fontes do 112 Galicia a Europa Press, os feitos producíronse pasadas as 08:30 horas e foron os servizos de control do túnel os que alertaron a emerxencias.

Tratouse dun choque entre un camión e un coche, quedando ferido o ocupante do turismo. Por iso, deuse aviso a urxencias sanitarias, á Garda Civil de Tráfico, á Policía Local e aos servizos de mantemento da estrada. Pola súa banda, o 112 Galicia tamén informou de que este incidente provocou longas retencións na zona, debido ao aparatoso accidente, ao tratarse dun camión e un coche.