O 112 informou doutro accidente, rexistrado pasadas as 8,30 horas na N-550, en Redondela, á altura do quilómetro 145.

Así, tratouse dun choque entre dous vehículos na parroquia de Quintela, e unha das persoas implicadas estaba, segundo as testemuñas, inconsciente, aínda que liberada e accesible. Desde o CIAE 112 avisouse ao 061, Garda Civil de Tráfico, bombeiros e Policía Local de Redondela, e mantemento da estrada.

Finalmente, o 112 informou de problemas de circulación na A-55 en Tui, á altura do quilómetro 31, en dirección a Portugal. Varios particulares contactaron con Emerxencias para alertar de que había elementos metálicos na calzada e que causaran danos nos pneumáticos de varios coches. Neste opertivo participaron a Garda Civil de Tráfico e os servizos de mantemento da vía.