A Garda Civil de Pontevedra puxo en marcha un operativo contra o tráfico de drogas na comarca do Morrazo, que se salda polo momento coa detención de dúas persoas e varios rexistros.

Así, segundo puido confirmar Europa Press, a actuación policial ‘explotou’ este mércores, cando levaron a cabo as detencións de dúas persoas e tamén entradas e rexistros, con apoio de cans adestrados na detección de estupefacientes, en inmobles de Cangas e Bueu, así como nun taxi que presta servizo nesta última localidade.

A investigación, coordinada por un xulgado de Cangas e que está baixo segredo de sumario, continúa aberta e non se descartan novas dilixencias ou arrestos.