InicioSucesosVeciños da parroquia viguesa de Valadares piden reunirse coa Policía tras varios...

Veciños da parroquia viguesa de Valadares piden reunirse coa Policía tras varios roubos e a okupación dunha nave

PUBLICADO O

Veciños da parroquia viguesa de Valadares solicitaron reunirse con axentes da Policía Nacional tras rexistrarse varios roubos na zona e a okupación dunha nave abandonada.

Así, será este mércores cando o delegado de Participación Cidadá da Policía Nacional acuda ao Centro Veciñal e Cultural de Valladares para falar cos habitantes do barrio da Garrida, onde nos últimos días producíronse estes sucesos.

En concreto, segundo relatan os veciños, a xente está “asustada” e “farta” despois de que se producisen varios roubos en diferentes establecementos do lugar, ademais de en unha vivenda moi próxima á nave okupada. Así mesmo, precisamente á beira desa nave ardeu un vehículo nos últimos días.

Os veciños sospeitan de que os autores dos furtos poidan estar relacionados coas persoas que okuparon estas instalacións industriais. Fontes da Policía Nacional confirmaron a Europa Press que a reunión se producirá este mércores e explicaron que varios veciños a solicitaron ao detectar “problemas” na contorna da nave abandonada, que se atopa á espera dunha resolución xudicial que autorice o lanzamento.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...