Na xornada deste xoves localizaron varios exemplares de carabela portuguesa en areais das localidades pontevedresas de Vigo e do Grove.

En Vigo, os socorristas da praia do Vao informaron da aparición de dous exemplares deste organismo. Por iso, o Concello colocou a bandeira amarela de precaución e instou aos socorristas a reforzar a atención ante calquera novo avistamento. Desta forma, o Concello recomendou evitar tocalas para devolvelas ao mar, xa que poden xerar síntomas como irritación da pel e problemas respiratorios. Ante calquera dúbida deberán consultar ao servizo de socorrismo e salvamento, e en caso de estar fóra do seu horario, avisar á Policía Local.

Pola súa banda, o servizo de Emerxencias do Grove recibiu a alerta, por parte duns particulares, da aparición dun destes exemplares na praia de Area Grande. Con todo, na xornada do martes tamén retiraron unha carabela portuguesa da praia Burato da Londra. Co cal na localidade apareceron, ata o momento, dous.