InicioSucesosA outra cara da actuación das orquestras Panorama e Combo este martes:...

A outra cara da actuación das orquestras Panorama e Combo este martes: un home agarra do pescozo e golpea contra un enreixado á súa parella

Outro home foi detido na madrugada tras tratar de agredir a un axente despois dunha liorta.

PUBLICADO O

Un home, J.L.C. de 36 anos de idade, foi detido na madrugada deste mércores en Vigo tras agarrar do pescozo á súa parella e golpeala contra un enreixado metálico de peche dun local comercial.

Tal como informou a Policía Local, os feitos ocorreron sobre as 02.00 horas na Avenida de Balaídos e os axentes tiveron constancia a través dunha chamada que aseguraba que un mozo estaba a agredir a unha moza no interior dun portal. Unha vez no lugar, os funcionarios interceptaron ao suposto agresor, que negou os feitos. Simultaneamente, outro axente falou coa vítima, que estaba acompañada por un grupo de testemuñas que trataban de tranquilizala.

Aínda que nun primeiro momento a muller tentou ocultar os feitos, despois asegurou que a súa parella a agarrou e golpeou contra o enreixado, indicando aos policías que ten moito medo ao seu noivo. Así mesmo, varias testemuñas indicaron que o home insultou e agarrou violentamente á moza durante a actuación de dúas orquestras, levada a cabo nas inmediacións do estadio. Por iso, o home foi detido como presunto autor dun delito de violencia de xénero.

DETIDO POR AGRESIÓN A UN AXENTE

Minutos antes, sobre as 01.15 horas, outro home, J.F.A. de 42 anos de idade, foi detido a escasos metros do lugar, na Avenida de Fragoso, tras detectarse unha liorta dun grupo de persoas durante os concertos das orquestras.

No punto, un dos homes mostrou unha actitude “altamente agresiva e violenta” cos policías que se personaron no lugar, quenes insistiron en que cesase nesa actitude. Nun momento dado, o agora detido tentou agredir a un dos funcionarios, sendo reducido e detido como suposto autor dun delito de desobediencia, resistencia e atentado a axente da autoridade.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Atraso de 40 minutos na liña A Coruña-Vigo por un conato de incendio nun coche do tren

Un conato de incendio declarado entre dous coches dun tren que cobre a liña...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...