Unha aparatosa saída de vía dun coche ocorrida na noite do mércores no municipio pontevedrés de Nigrán deixou tres persoas feridas.

Segundo informa o 112 Galicia, sucedeu ás 23,30 horas na estrada de Fragoselo, que une Chandebrito con Coruxo. Foi o persoal sanitario o que chamou á central do número de emerxencias, que á súa vez alertou ao GES, a Protección Civil do Val Miñor, á Garda Civil e á Policía Local de Nigrán.

Ao chegar os servizos de emerxencias, as persoas implicadas xa estaban fóra a pesar de que se tratou dun “accidente aparatoso”, tal e como explica o 112. O persoal sanitario, ao comprobar que todos estaban no exterior do coche, atendeu aos feridos.