Un camión do lixo e un vehículo chocaron na madrugada deste sábado na localidade pontevedresa de Bueu, na estrada do cemiterio, á altura do número 92.

Como resultado do sinistro, que sucedeu sobre as 00,30 horas deste sábado,unha muller resultou ferida, aínda que segundo a información do último parte dispoñible da Central de Atención ás Emerxencias 112, a muller non revestía gravidade.

Ademais, segundo indicaron os Bombeiros do Morrazo, que acudiron ao momento nada máis ser alertados polo 112 Galicia, a condutora estaba totalmente liberada e accesible, polo que, non foi preciso excarcerar.

A Policía Local chamou ao 112 para informar o accidente. Indicaban que eles, os axentes, foran alertados por un particular e que lles advertisen de que se trataba dun accidente grave entre un coche e un camión do lixo.

Con estes datos, os xestores do 112 puxeron os feitos en coñecemento do Servizo de Uxencias Sanitarias de Galicia-061, dos Bombeiros do Morrazo e dos axentes de Tráfico. Tamén foi precisa a intervención do persoal de mantemento da vía. O persoal sanitario encargouse da evacuación da persoa ferida.