Un veciño de Cangas, cuxa desaparición foi denunciada nas últimas horas tras mergullarse, foi localizado en bo estado na zona de Aldán, segundo informaron fontes da Garda Civil.

O home saíra a mergullar en Cabo Home e quedara cun amigo a media tarde. Ao ver que non aparecía, este amigo deu a voz de alerta pola noite e avisou á muller do mergullador.

A Garda Civil e a Policía iniciaron un dispositivo de procura por terra e mar e, finalmente, sobre as 1,30 horas da madrugada, os axentes tiveron constancia de que o home aparecera, en bo estado, en Aldán.