Un home foi trasladado ao hospital Álvaro Cunqueiro de Vigo tras sufrir unha caída e quedarlle a cabeza atrapada entre o chan e unha porta, no albergue municipal de Marqués de Valterra.
Segundo informou o CIAE 112 Galicia os feitos ocorreron pouco antes das 23,00 horas deste martes, cando un traballador das instalacións púxose en contacto con Emerxencias para alertar dun home sufrira un accidente no albergue.
Así, o home caeu no baño tras sufrir unha indisposición e quedoulle a cabeza atrapada no oco entre o chan e unha das portas. As persoas que se atopaban alí eran incapaces de liberalo.
O 112 deu aviso a Urxencias Sanitarias 061, a Policía Nacional, Policía Local e aos bombeiros de Vigo. Foron precisamente estes últimos os que se encargaron de liberar ao ferido, que logo foi trasladado en ambulancia ao hospital Álvaro Cunqueiro.
