Un accidente de tráfico causou a última hora deste domingo a rotura dunha tubaxe de gas no municipio pontevedrés do Porriño, aínda que sen que houbese que lamentar danos persoais.

Segundo informou o CIAE 112-Galicia, o suceso ocorreu despois das 19,00 horas en Torneiros, no Porriño, onde unha condutora se saíu da estrada e chocou contra unha vivenda. A causa do impacto, rompeu unha tubaxe de subministración de gas, que provocou un escape.

En todo caso, ninguén resultou afectado o gas e a condutora non presentaba danos de importancia, aínda que os servizos de emerxencias apuntaron que se atopaba “moi nerviosa” e que saltaran os airbags do coche.