Un ciclista resultou ferido este domingo tras sufrir unha caída nunha senda da parroquia de Fozara, na localidade pontevedresa de Ponteareas. Segundo trasladou o 112, o accidente ocorreu sobre as 12,40 horas. Nese momento, un compañeiro do ciclista chamou á central de emerxencias para pedir axuda.
Nesta ocomunicación, o alertante indicaba que ambos circulaban pola Senda do Tea, nas proximidades da Praia Fluvial das Pías cando ocorreu o accidente. Ademais, sinalaba que o home sufrira un corte nunha perna, o que dificultaba a súa mobilidade.
Con esta información, o Centro Integrado de Atención ás Emerxencias deu aviso aos profesionais de urxencias médicas, aos membros do GES-SPEIS Ponteareas e aos axentes da Garda Civil e da Policía Local.
Debido ao complicado acceso ao ferido, os equipos de emerxencia axudaron a trasladalo ata a ambulancia de Urxencias Sanitarias de Galicia-061, que finalmente o evacuaría á PAC.
