Dúas persoas foron evacuadas na tarde deste mércores ao hospital Álvaro Cunqueiro de Vigo tras rexistrarse un accidente múltiple na localidade pontevedresa de Mos. Segundo fontes do 112 Galicia, os feitos sucederon sobre as 14,30 horas e foron os propios servizos de urxencias sanitarias os que alertaron ao Centro Integrado de Atención ás Emerxencias.
Así, explicaban que se produciu unha colisión entre tres vehículos á altura da saída 14 da A-55 cara a Ponteareas. Tamén un particular informou o suceso. Por iso, deuse aviso ao GES de Mos, á Policía Local e á Garda Civil de Tráfico, ademais da os Bombeiros de Baixo Miño.
Finalmente, os voluntarios de GES aseguraron que dúas persoas tiveron que ser evacuadas ao hospital Álvaro Cunqueiro ao resultar feridas na colisión.
