Un home resultou ferido na tarde deste venres ao pasarlle por encima das pernas o motocultor co que estaba a labrar nunha leira de Ponteareas.
Segundo informou o CIAE 112-Galicia, foi a propia vítima a que contactou con emerxencias sobre as 18,00 horas, indicando que estaba ferido.
Inmediatamente, requiriuse a intervención de Urxencias Sanitarias de Galicia-061, da Garda Civil e da Policía Local, que se desprazaron ata o lugar dos feitos, no Provizo. O home foi trasladado en ambulancia ao Hospital Álvaro Cunqueiro de Vigo.
