InicioSucesosUn operario perde unha man mentres manipulaba unha máquina nunha planta de...

Un operario perde unha man mentres manipulaba unha máquina nunha planta de tratamento de residuos do Porriño

O ferido foi evacuado de maneira urxente ao Hospital Álvaro Cunqueiro de Vigo, xunto coa parte do corpo que foi seccionada

PUBLICADO O

- Advertisement -

Un operario perdeu unha man mentres manipulaba unha máquina nunha planta de tratamento de residuos situada no municipio pontevedrés do Porriño. O home pertence a unha empresa externa á planta e realizaba labores de limpeza.

O 112-Galicia recibiu o aviso este mediodía, cando o persoal sanitario do 061 requiriu a participación de efectivos de salvamento e rescate para recuperar a man amputada do interior da máquina.

Así, solicitouse a intervención dos Bombeiros de Baixo Miño, que enseguida acudiron ao Polígono das Gándaras, onde se atopa a planta de tratamento de residuos e solucións ambientais na que se produciu este accidente laboral.

En canto conseguiron sacar o membro, o ferido foi evacuado de maneira urxente ao Hospital Álvaro Cunqueiro de Vigo, xunto coa parte do corpo que foi seccionada cando utilizaba a máquina.

Ademais, tamén participaron no operativo axentes da Policía Local e da Garda Civil, e prestaron a súa colaboración os voluntarios de Protección Civil da localidade. Convén destacar que, a pesar de que o accidente tivo lugar na planta de tratamento, a persoa estaría a realizar traballos de limpeza, pois pertence a unha empresa externa vinculada a este sector.

ÚLTIMAS

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...

Un ano de cárcere por deixar morrer de fame a cinco cans en Gondomar

Un home aceptou este xoves un ano de cárcere por deixar morrer de fame...

Nova imaxe gráfica do Marisquiño 2024, unha homenaxe aos adhesivos dos 90 no grafiti e ‘skate’

Os artistas Nano4814 e Sekone foron os encargados de deseñar a imaxe gráfica do...

Detido un mozo de 18 anos por roldar a vivenda dunha muller sobre a cal tiña unha orde de afastamento

A Policía Local de Vigo detivo na tarde deste pasado mércores a un mozo, S.G.B. de...