InicioSucesosDetido en Vigo ao atacar aos axentes que o tentaron auxiliar cando...

Detido en Vigo ao atacar aos axentes que o tentaron auxiliar cando estaba ebrio

PUBLICADO O

Axentes da Policía Local de Vigo detiveron a un home de 44 anos de idade, R.A.S.M.C., como presunto autor dun delito de atentado, ao atacar a un axente que o auxiliaba cando se atopaba ebrio no seu domicilio, e en presenza de dous menores.

Segundo informaron fontes policiais, os feitos ocorreron o pasado sábado pouco despois das 22,00 horas, cando o 112 contactou coa Policía para requirir a súa presenza na rúa Conde de Torrecedeira, onde un individuo se atopaba en mal estado.

Unha vez no lugar, os axentes dirixíronse ao domicilio desa persoa, dotados cun desfibrilador dos que levan no vehículo policial. Ao chegar, observaron a porta da vivenda aberta e accederon ao interior.

Inicialmente non atoparon á persoa que estaba indisposta aínda que, momentos despois, esta persoa saíu do cuarto de baño, observando os axentes que se atopaba baixo os efectos do alcol. O home mostraba unha actitude violenta e agresiva cara aos polícias e estaba en compañía de dous menores, fillos da súa parella (da que se está separando), que se mostraban asustados e medorentos pola actitude do individuo.

Os funcionarios trataron de acougalo, pero o home abalanzouse sobre un deles e agrediuno, polo que foi detido como presunto autor dun delito de atentado. Mentres, os menores quedaron baixo a supervisión da súa nai, que pasou polo domicilio a recollelos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...