A Garda Civil asistiu este pasado domingo a un ciclista ferido que caeu nunha pista de terra do Monte Galleiro, situado na localidade pontevedresa de Mos.

Tal como informou a Benemérita, foi sobre o mediodía cando os axentes recibiron o aviso, alertando de que unha persoa sufrira unha caída en bicicleta nunha zona de difícil acceso.

Por iso, unha patrulla do Porriño desprazouse á localización, onde comprobaron que o home estaba consciente, pero cun forte golpe no ombreiro dereito e na cabeza, ademais de varias contusións a consecuencia de caíaa.

Debido á orografía, e ao observar que o ferido presentaba principios de hipotermia, os garda civís decidiron o trasladado do home en vehículo oficial ata o Monte da Risca, onde xa esperaba o persoal sanitario, que trasladou ao ferido ata o Hospital Álvaro Cunqueiro de Vigo.