InicioSucesosO home que matou a súa ex parella en Baiona diante dos...

O home que matou a súa ex parella en Baiona diante dos fillos xa está detido

Foi detido en Ourense.

PUBLICADO O

- Advertisement -

Axentes da Policía Nacional localizou e detivo en Ourense á exparella da muller achada morta con signos de violencia de Baiona e sospeitoso do asasinato, que se investiga como un caso de violencia de xénero.

Segundo confirmaron a Europa Press fontes da Garda Civil, o dispositivo despregado para localizar ao sospeitoso tras o achado do cadáver deu froitos esta mañá, cando se localizou e identificou á exparella da vítima en Ourense, onde foi detido. Será trasladado á comandancia da Garda Civil de Pontevedra.

Foi ao redor das 21,30 horas deste domingo cando os veciños do número catro da rúa San Roque, no barrio da Percibilleira, deron a voz de alarma polo achado do corpo dunha muller con signos de violencia na zona de acceso a unha vivenda. A Garda Civil iniciou entón as pescudas, que apuntan a un caso de violencia de xénero, e a procura da exparella da muller.

Segundo contou a Europa Press o alcalde de Baiona, Carlos Gómez, os feitos sucederon, ao parecer, a última hora do domingo, cando a exparella da muller acudiu ao domicilio para devolver aos dous fillos menores, cos que pasara o fin de semana. Foi nese momento cando, presuntamente, cometeu o crime diante dos nenos. Posteriormente, o home levou aos menores a casa dos seus avós paternos, e deuse á fuga.

SEN DENUNCIAS PREVIAS

Segundo confirmou a delegada do Goberno en Pontevedra, Maica Larriba, non constan denuncias previas por violencia de xénero, aínda que fontes da contorna do detido apuntan a que si tiña conflitos xudiciais pola custodia dos fillos da parella

Maica Larriba mostrou, antes dun acto en Lalín, o seu pesar por este suceso, que demostra “que a violencia de xénero existe”. “As mulleres morren polo feito de ser mulleres“, apuntou a subdelegada, que quixo lanzar unha “mensaxe a todas as mulleres” que sofren esta secuela, animándoas a que “non teñan medo” porque “non están soas”. “As institucións, as forzas e corpos de seguridade do Estado e os cidadáns de ben estamos con elas”, engadiu.

A continuación, lembrou que a violencia de xénero “non é un asunto privado”, se non un “problema da sociedade” no seu conxunto. “Todos estamos obrigados a loitar contra ela”, finalizou.

ÚLTIMAS

Rueda, preparado para negociar con Caballero

O desbloqueo da urbanización da ETEA, a reforma das pistas de Balaídos, ou a...

A concelleira de Urbanismo afea a “actitude” da Xunta a catro días da reunión de Rueda e Caballero

O goberno municipal de Vigo afeou este venres "o fondo e as formas" das declaracións da...

O PP de Vigo esixe a Caballero que garanta a seguridade en San Xoán ante a previsión de falta de bombeiros

O grupo municipal do PP no Concello de Vigo esixiu este venres ao alcalde, Abel Caballero,...

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...