Unha colisión rexistrada este luns entre un autobús escolar no que viaxaban 30 menores e un coche saldouse sen feridos, segundo informou o CIAE 112-Galicia. O accidente produciuse sobre as 15,00 horas, e foi o propio condutor do autocar o que chamou a Emerxencias para informar de que acababa de chocar contra un coche no quilómetro 0 da EP-3002 en Randufe (Tui). Desde o primeiro momento informou de que non había feridos, aínda que os vehículos implicados no sinistro entorpecían parcialmente a circulación.

Ata o lugar desprazouse outro autobús, que recolleu aos menores para que continuasen a súa viaxe. Así mesmo, o 112 Galicia informou á Garda Civil de Tráfico, a Policía Local e á Agrupación de Voluntarios de Protección Civil de Tui.