A sección segunda da Audiencia Provincial de Pontevedra xulgará o vindeiro xoves, 19 de xaneiro, ás 10,15 horas, a un home sen antecedentes penais acusado de agresión sexual.
Segundo o Ministerio Fiscal, o acusado, en compañía doutra persoa que faleceu antes do seu procesamiento, o 17 de setembro de 2019, nunha vivenda situada na localidade pontevedresa de Cangas do Morrazo, con “a intención de satisfacer os seus desexos sexuais”, comezou a espir á vítima, a cal se atopou nunha “situación de bloqueo” ante “tocamentos nas súas zonas eróxenas”.
O escrito tamén describe que, “a pesar de detectar tal situación, o procesado continuou cos seus actos ata lograr a penetración bucal e vaginal”.
Tal e como sinala Fiscalía, os feitos son constitutivos dun delito de abuso sexual con introdución previstos nos artigos 181.1 e 4 do Código Penal.
Por iso, piden para o acusado unha pena de oito anos de prisión, coa inhabilitación especial para o exercicio do dereito de sufraxio pasivo durante o tempo da condena, así como unha indemnización á vítima de 20.000 euros polos “prexuízos sufridos”.
