InicioSociedadeA unidade de Fibrose Quística do Cunqueiro, única galega acreditada con certificación...

A unidade de Fibrose Quística do Cunqueiro, única galega acreditada con certificación de calidade

PUBLICADO O

- Advertisement -

unidade mixta de Fibrose Quística do hospital Álvaro Cunqueiro de Vigo foi acreditada coa certificación de calidade e coa cualificación de ‘excelente’ pola Sociedade Española de Fibrosis Quística.

Tal como informou o Servizo Galego de Saúde (Sergas) nun comunicado, trátase da primeira e única unidade deste tipo en Galicia en recibir o devandito recoñecemento estatal.

Para o seu responsable, a pneumóloga Cristina Ramos, a obtención desta acreditación “recoñece que se presta unha atención coas maiores garantías e supón unha validación dos protocolos e do traballo en equipo e colaborativo realizado con outros servizos hospitalarios e en coordinación coa Asociación Galega de pacientes de Fibrose quística“.

En concreto, a unidade multidisciplinar, coordinada pola doutora Ramos e a pediatra María Jesús Rodríguez, ten en seguemento a 55 pacientes (28 adultos e 23 menores) e nela participan especialistas tamén do ámbito da endocrinoloxía, dixestivo, rehabilitación, xunto con fisioterapeutas e traballadores sociais.

A fibrose quística é unha enfermidade crónica e hereditaria que representa un grave problema de saúde. É unha enfermidade dexenerativa que afecta principalmente os sistemas respiratorio e dixestivo.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...