Un bebé de cinco meses faleceu na cidade de Vigo por padecer meninxite pneumocócica dous días despois do seu ingreso no Hospital Álvaro Cunqueiro. Segundo fontes consultadas por Europa Press, os feitos ocorreron a principios de decembro, cando a familia acudiu a urxencias en dúas ocasións debido a que o seu fillo presentaba síntomas catarrales.
Días despois unha ambulancia tivo que trasladar ao neno ao centro hospitalario tras empeorar a súa situación. Alí diagnosticáronlle meninxite neumocócica, que provocaría o falecemento do bebé tras 48 horas ingresado.
SERGAS
Pola súa banda, desde o Servizo Galego de Saúde (Sergas) indicaron que o falecemento do bebé foi debido á meninxite que padecía, cunha evolución tórpida. “Trátase dunha bacteria moi agresiva, que provoca unha enfermidade moi grave, unha sepsis, que ás veces pode ter un desenlace fatal, como neste caso”, lamentaron.
“Os profesionais do servizo de urxencias pediátricas actuaron en todo momento correctamente e segundo os protocolos establecidos. En ningunha das súas dúas visitas a urxencias o bebé presentou signos ou datos a exploración que fixesen sospeitar desta enfermidade”, engadiron.
A área Sanitaria de Vigo ofreceu as súas condolencias á familia e púxose a disposición para calquera aclaración ou dúbida que puidesen ter en relación coa asistencia prestada ao seu fillo.
