InicioSociedadeA Intermodal xa funciona a pleno rendemento: 316 autobuses entre o sábado...

A Intermodal xa funciona a pleno rendemento: 316 autobuses entre o sábado e o domingo

PUBLICADO O

- Advertisement -

A delegada territorial da Xunta en Vigo, Marta Fernández-Tapias, destacou este luns o “éxito” da posta en marcha da estación intermodal de Vigo, despois de que no seu primeiro fin de semana de apertura se levasen a cabo máis de 315 operacións.

Segundo indicou nun comunicado, tras estar terminada fai seis meses despois dun investimento autonómico de 18 millóns de euros, as instalacións traballaron a pleno rendemento “sen ningún tipo de incidencia” este sábado e domingo.

Fernández-Tapias asegurou que dos 316 autobuses que entraron e saíron da estación nos dous primeiros días de funcionamento, a maior parte de viaxes foron a través dos accesos desde a autoestrada AP-9, tal como estaba planificado.

“Foi un éxito rotundo e os viaxeiros xa puideron comprobar a mellora que supón ter a conexión entre bus e tren a tan só uns minutos”, reivindicou a representante do Goberno galego na cidade.

O Executivo autonómico lembrou que as obras da nova estación terminaron en xuño e, a pesar de porse en contacto co Concello para solicitar información sobre o fin das obras das que se encargaba o goberno local, non obtiveron resposta.

Precisamente o alcalde de Vigo, Abel Caballero, falou este luns na súa rolda de prensa deste tema, indicando que o Concello tamén solicitou datos sobre o número de buses que circularían pola cidade e non recibiu resposta e acusou a Fernández-Tapias de tomar medidas “improvisadas” que provocarían o colapso do tráfico no centro da cidade.

ÚLTIMAS

O pleno extraordinario de aprobación do novo PXOM celebrarase o 26 de maio

O goberno municipal de Vigo fixou para o vindeiro luns 26 de maio o pleno extraordinario...

O xerente da área sanitaria sobre as esperas dun mes para analíticas: “O aumento de peticións de probas é tremendo”

O xerente da área sanitaria de Vigo, Francisco Javier Puente, referiuse este luns ao aumento...

Detido un veciño do Porriño que deu unha malleira a un septuaxenario para roubarlle

O Equipo de Policía Xudicial da Garda Civil de Vigo detivo a un home de 42...

O festival de Cans 2025 arrinca coa retrospectiva internacional a Alejandro Loayza

A XXII edición do Festival de Cans arrinca este martes na aldea do Porriño...