InicioSociedadePersoal de Política Social defende que as acusacións de malos tratos de...

Persoal de Política Social defende que as acusacións de malos tratos de familias de usuarios da residencia do Meixoeiro son mentira

PUBLICADO O

- Advertisement -

O comité de empresa do persoal laboral de Política Social na provincia de Pontevedra denunciou as “graves acusacións” vertidas pola asociación de Familiares e Usuarios de Residencias e da Dependencia contra o persoal do Centro de Atención a Persoas Dependentes do Meixoeiro.

“Queremos expresar a nosa profunda indignación sobre as infundadas acusacións vertidas”, lamentaron nun comunicado, despois de que as familias afirmasen que se están producindo “malos tratos sobre residentes, que se lles somete con suxeicións, retíranselles e esconden as próteses e os utensilios básicos, que se lles droga e négaselles toda atención e outras moitas e moi graves acusacións”.

“Minten e demostrarémolo”, reivindicou o comité, que engadiu que acudirá á Fiscalía para que investigue ditas palabras que, ao seu xuízo, “son constitutivas de delito e que se fan en contra do persoal do centro amparándose nunhas fotos das que non se pode acreditar nin a autoría, nin a veracidade“.

Os empregados subliñaron que sempre defenderon os servizos públicos de calidade e o bo facer do seu persoal. “Non imos permitir que se dubide da nosa profesionalidade. Minten e queren enganar á opinión pública calumniando ao persoal”, sentenciaron.

ÚLTIMAS

Piden oito anos de prisión para un acusado de roubar e agredir sexualmente a unha muller en Vigo

Un home enfróntase a oito anos e medio de prisión como suposto autor dun...

O Concello e Universidade de Vigo impulsan a creación dun Observatorio da Vivenda

O Concello e a Universidade de Vigo crearán un Observatorio da Vivenda para facer...

Rescatan un veleiro á deriva e encallado na costa de Vigo sen ninguén a bordo

Os servizos de emerxencia rescataron o pasado domingo un veleiro á deriva na costa...

Un axente da Policía Local de Vigo absolto tras ser acusado de chamar “matado” e “subnormal” a un discapacitado

A sección quinta da Audiencia Provincial de Pontevedra, con sede en Vigo, absolveu a...