InicioSociedadeO BNG pide ao Concello que investigue a "alarmante" presenza de bacterias...

O BNG pide ao Concello que investigue a “alarmante” presenza de bacterias fecais en Samil

Pide acceso ao expediente íntegro para coñecer en detalle a situación que levou a desaconsellar o baño.

PUBLICADO O

- Advertisement -

O Bloque Nacionalista Galego (BNG) de Vigo solicitou ao Concello que investigue a orixe da elevada presenza de bacterias fecais nun tramo da praia de Samil, á altura do areal da Argazada.

O BNG pediu acceso ao expediente íntegro para coñecer en detalle a situación que levou a desaconsellar este pasado sábado o baño neste tramo e chamou á concellaría de Medio Ambiente a actuar “con dilixencia” para aclarar a causa da contaminación.

Para o concelleiro nacionalista, Xabier P. Igrexas, esta situación é “alarmante” pola elevada presenza de bacterias fecais.

“Este tipo de presenzas bacteriolóxicas foron frecuentes nas inmediacións da desembocadura do Lagares, por algunha parada ou problema da estación depuradora de augas residuais (EDAR). Pero neste tramo xa tan avanzado debéronse historicamente a verteduras directas de augas sen depurar, nalgúns casos con orixe do antigo hotel Samil”, indicou Igrexas.

Segundo el, os primeiros indicios apuntan precisamente a unha vertedura de augas non depuradas como a causa do problema, polo que desde o Bloque demandaron unha investigación urxente para aclarar os motivos e as responsabilidades. Ademais, solicitaron un control “máis exhaustivo” para evitar verteduras incontroladas.

Desaconsellan o baño no tramo central de Samil por niveis elevados de bacterias

ÚLTIMAS

O pleno extraordinario de aprobación do novo PXOM celebrarase o 26 de maio

O goberno municipal de Vigo fixou para o vindeiro luns 26 de maio o pleno extraordinario...

O xerente da área sanitaria sobre as esperas dun mes para analíticas: “O aumento de peticións de probas é tremendo”

O xerente da área sanitaria de Vigo, Francisco Javier Puente, referiuse este luns ao aumento...

Detido un veciño do Porriño que deu unha malleira a un septuaxenario para roubarlle

O Equipo de Policía Xudicial da Garda Civil de Vigo detivo a un home de 42...

O festival de Cans 2025 arrinca coa retrospectiva internacional a Alejandro Loayza

A XXII edición do Festival de Cans arrinca este martes na aldea do Porriño...