InicioBaixo MiñoA GuardaReclaman o segundo equipo de urxencias para o PAC da Guarda

Reclaman o segundo equipo de urxencias para o PAC da Guarda

Así o trasladan plataformas en defensa da Sanidade Pública nun comunicado de prensa, no que lembran que o sucedido no mes de maio no centro de saúde do Rosal "pon de manifesto a necesidade de atender estas reivindicacións, requiridas desde hai moito tempo" por veciños deses concellos.

PUBLICADO O

As plataformas en defensa da sanidade pública da Guarda, O Rosal e Oia reclaman á Xunta de Galicia o segundo equipo completo de urxencias para o Punto de Atención Continuada da Guarda, así como unha ambulancia medicalizada para O Baixo-Miño e aumentar as ambulancias asistencias.

Así o trasladan nun comunicado de prensa, no que lembran que o sucedido no mes de maio no centro de saúde do Rosal “pon de manifesto a necesidade de atender estas reivindicacións, requiridas desde hai moito tempo” por veciños deses concellos.

Respecto diso, as plataformas manifestan que “de non haber movementos claros por parte da Xunta de Galicia para avanzar na solución deste problema”, volverán chamar aos veciños “a mobilizarse” e lembran que o hospital máis próximo “está a unha hora e moitos dos fogares dos usuarios a máis de media hora da PAC da Guarda”.

“A presión exercida nas rúas obrigou as autoridades da Xunta de Galicia a incrementar a dotación do persoal no Centro de Saúde da Guarda. No momento actual temos seis médicos do oito que nos corresponden. Lembremos que houbo moitos momentos que tivemos tres”, comentaron.

En Oia indican que teñen dúas médicas cando durante varios meses contaron cunha soa “e houbo momentos en que non houbo ningún”, inciden. E no Rosal aseguran que “persiste a situación inadmisible dunha soa médica atendendo a todo o concello”.

“Somos plenamente conscientes que imos ter que seguir mantendo a presión para que a Xunta aumente as partidas para a sanidade pública, nomeadamente para a Atención Primaria e ímonos a manter vixiantes ante o previsible deterioración que se poda producir este verán”, avisan.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...