InicioMedio Ambiente e PatrimonioEcoloxistas celebran o peche de Vigozoo: "Finaliza unha etapa de crueldade cara...

Ecoloxistas celebran o peche de Vigozoo: “Finaliza unha etapa de crueldade cara aos animais”

A organización Ecoloxistas en Acción está pendente de recabar información para coñecer o destino dos animais e os detalles do proxecto.

PUBLICADO O

Vigozoo pecha as súas portas e pronto se converterá nun centro municipal de divulgación e educación ambiental. Non poucas voces esixían durante os últimos anos a clausura deste zoo pola “falta de seguridade e conservación”.

“Agora, por fin, podemos considerar finalizada unha etapa de crueldade de cara aos animais e de seguridade para as persoas visitantes a un espazo ilegal”, sentenza Ecoloxistas en Acción Vigo, que agradece que, “logo de anos de denuncias por incumprimentos reiterados”, o Concello de Vigo decida reconverter un espazo que “atentaba o benestar animal e a falta de ética”. 

O incumprimento da Directiva sobre parques zoolóxicos alertou, hai moitos anos, a distintas organizacións que traballaron para “evidenciar a necesidade de desmantelar o zoo” vigués. A Directiva esixe que se efectúen inspeccións por parte do órgano competente para asegurar cos animais viven en situacións axeitadas e que os parques zoolóxicos contribúen a obxectivos de educación e conservación.

No ano 2007 a Comisión Europea abriu un expediente ao Estado español porque once comunidades autónomas, entre as que se atopaba Galicia, incumprían reiteradamente o mandato da norma, lembran dende Ecoloxistas en Acción.

Por iso, un ano despois, “en vista do caso omiso que fixo o Estado”, Europa enviou un dictame motivado antes da imposición dunha multa por incumprimento legal. “Pese a esta situación, o concello vigués celebrou o 40º aniversario do zoo no ano 2011 con diversas irregularidades no expediente: cuestionamento da tenencia de licenza municipal de actividade, titularidade dos terreos onde se asenta que reclamaba a comunidade de montes de Teis, instalacións pechadas ao público por falta de autorización ou o incumprimento da normativa que avala o envío de información ambiental”, enumera a organización ecoloxista.

“Agora”, saúdan, “finaliza unha etapa de crueldade para os animais”. 

ÚLTIMAS

Feministas católicas sean este domingo ás rúas de Vigo para reclamar que as mulleres teñan “voz e voto” na Igrexa

Feministas católicas da Revolta de Mulleres na Igrexa sairán este domingo 3 de marzo ás...

Remolcan ao porto de Vigo ao portacontedores ‘MSC Katyanyi’

O portacontedores 'MSC Katyayni,', que navega baixo bandeira de Panamá, está a ser remolcado...

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...