InicioSociedadeImportantes atrasos no tren Vigo-A Coruña por mor dunha avaría no...

Importantes atrasos no tren Vigo-A Coruña por mor dunha avaría no control de tráfico

Algúns viaxeiros expresaron as súas queixas.

PUBLICADO O

Algúns dos trens rexionais que circulan pola liña A Coruña-Vigo rexistraron atrasos de ao redor de media hora este sábado por unha avaría na infraestrutura á altura de Padrón. Segundo confirmaron fontes de Renfe, o problema técnico —unha avaría no control de tráfico centralizado— depende de Adif (o administrador de infraestruturas) e non do operador.

Con todo, moitos dos viaxeiros afectados non dubidaron en mostrar o seu descontento cos atrasos e en trasladar aos membros da tripulación os inconvenientes que estes lles provocaron. “O tren tiña que chegar a Pontevedra ás 11,10 e chegou ás 11,40 horas. Tiña un compromiso laboral”, queixouse un dos pasaxeiros.

E é que, por exemplo, o tren que sae da cidade herculina ás 9,30 horas e que debería chegar a Vigo ás 11,40 horas, fíxoo finalmente ás 12,15 horas. Poucas horas máis tarde, o das 12,40 (tamén A Coruña-Vigo) rexistrou unha demora dunha hora. En sentido contrario a situación foi similar: atrasos de entre 20 e 50 minutos.

Ante esta situación, o tren que saía ás 12,30 da cidade olívica foi desviado pola liña de alta velocidade, que non se viu afectada os problemas na infraestrutura da denominada liña convencional.

Cabe lembrar que os usuarios poden reclamar na páxina web do Renfe o importe do seu billete cando se producen atrasos. Concretamente, se o atraso supera os 30 minutos, corresponde unha devolución do 25%; se é de 45 minutos, do 50%; e se é de 60 minutos, do 100%.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...