Estancamento da covid na áera de Vigo

Baixan os contaxios aínda que aumentan lixeiramente os ingresos.

Cribado en busca de casos asintomáticos de COVID-19 nun centro de saúde / SERGAS.

Un total de 600.032 persoas curáronse da Covid-19 ata a data desde o inicio desta pandemia o conxunto de Galicia, onde que se reducen a 562 os pacientes hospitalizados por este coronavirus –40 menos que a xornada anterior– e os casos activos descenden a 9.224 –implican 349 menos–, tras detectarse outros 888 contaxios –120 máis que o día pasado–. Polo seu lado, a taxa de positividade aumenta a un 12 por cento.

Segundo os datos actualizados este mércores pola Consellería de Sanidade, con rexistros ata as 18,00 horas do martes, recollidos por Europa Press, baixan a 21 as persoas hospitalizadas en UCI pola Covid-19 en Galicia –sete menos– e a 541 as ingresadas en unidades convencionais –33 menos–, mentres que 8.662 pacientes permanecen en seguimento no seu domicilio. O pasado mércores, 18 de maio, había 11.458 hospitalizados, 22 deles en UCI.

Por áreas sanitarias, na de Vigo aumentan a catro os críticos –un máis– e descenden a 77 os de oreas unidades –cinco menos–. 

CASOS EN DESCENSO

En canto aos casos activos de Covid-19 manteñen a tendencia descendente desde este pasado fin de semana ata os 9.224, que implican 349 menos que os rexistrados a xornada anterior ao haber máis altas (1.234) que contaxios (888), ao que se suman tres falecementos. 

O descenso volve ser xeneralizado nas sete áreas sanitarias galegas, coa de Vigo á cabeza (-77) que queda con 1.715 contaxiados.

DEIXAR UN COMENTARIO

Please enter your comment!
Please enter your name here