InicioSociedadeSanitarios vigueses subliñan a importancia dunha boa hixiene de mans para evitar...

Sanitarios vigueses subliñan a importancia dunha boa hixiene de mans para evitar infeccións

PUBLICADO O

A área Sanitaria de Vigo sumouse un ano máis á celebración da Xornada Mundial de Hixiene de Mans, que nesta ocasión de desenvolve baixo a lema ‘Únete á seguridade da atención sanitaria. Limpa as mans’, co obxectivo de centrar os esforzos para lograr unha óptima hixiene nos puntos de atención, xa que é unha de mais medidas máis eficaces para evitar infeccións relacionadas coa asistencia sanitaria.

Tal como destacou o Servizo Galego de Saúde (Sergas) nun comunicado, a hixiene de mans continúa sendo unha ferramenta “fundamental” na loita contra as infeccións en xeral, especialmente contra o Covid-19.

Neste sentido, os sanitarios destacaron tamén a importancia de que o persoal dos centros de saúde realicen a limpeza de mans no mesmo punto de atención no que coinciden o profesional, o paciente e o tratamento a levar a cabo.

“O tema da campaña deste ano é a cultura da seguridade como estrutura vertebral nos centros sanitarios, para valorar a hixiene das mans e a prevención e o control das infeccións asociadas á asistencia sanitaria”, subliñou a subdirectora de Enfermaría, Dores Muíños.

Entre as múltiples actividades desenvolvidas este xoves, levouse a cabo o ‘I Concurso: Día Mundial da Hixiene de Mans’, que consiste nun cuestionario ‘en liña’ con varias preguntas relativas á correcta hixienización das mans. O premio será rifado nun sorteo público entre todos os acertantes, que gozarán dunha estancia para dúas persoas no Hotel Talaso Atlántico.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...