Os novos contaxios de Covid-19 baixan dos 2.000 diarios e sitúanse nos 1.862 –138 menos que na xornada anterior–, co que os casos activos soben, aínda que máis lentamente –880 máis– e rexistran 19.441. Tamén se incrementa a taxa de positividade ata o 12,44%. Por outra banda, baixan os pacientes hospitalizados por coronavirus ata os 350 –29 menos–.

Segundo os datos actualizados este venres pola Consellería de Sanidade, con rexistros ata as 18,00 horas do xoves, recollidos por Europa Press, descenden a 27 as persoas ingresadas en UCI pola Covid-19 en Galicia –unha menos– e a 323 as hospitalizadas en unidades convencionais –28 menos–. 

Por áreas sanitarias, a presión hospitalaria alíviase na de Vigo onde descenden a un en UCI –un menos– e mantéñense en 39 os doutras unidades –sen cambios–.

CASOS EN ASCENSO

En canto aos casos activos de Covid-19 mantense a tendencia ascendente por cuarta xornada consecutiva en Galicia, tras iniciarse esta semana cun descenso, polo que se sitúan en 19.441, que implican 880 máis que o día anterior, ao haber de novo máis contaxios (1.862) que altas (978), ao que se engaden varios falecementos. 

As infeccións activas ascenden de novo nas sete áreas sanitarias galegas, coa de Vigo á cabeza (+188 novos) co que o número de casos activos é d 3.507.