InicioSociedadeO Sergas di que agardar no Cunqueiro máis de 5 horas por...

O Sergas di que agardar no Cunqueiro máis de 5 horas por patoloxías non urxentes “é normal”

PUBLICADO O

O Sergas restou importancia á “saturación” e á “falla de medios” de Urxencias do Álvaro Cunqueiro esta fin de semana tal e como denunciaron pacientes a este medio de comunicación. “As incidencias foron as dun fin de semana normal“, destacaron fontes oficiais do centro hospitalario vigués que aclararon que “é normal” agardar máis de cinco horas se a patoloxía non é urxente.

Así, en declaracións a Xornal de Vigo, fontes do Sergas suliñaron que nas Urxencias dáse sempre prioridade aos “críticos e pacientes con patoloxías urxentes”. “Os que esperan son os que non teñen  algo urxente que tratar”, apuntaron. “Mesmo hai doenzas que poden agardar a ser tratadas o luns polo médico de cabeceira ou no PAC, pero hai xente que ven a Urxencias e é atendida pero, claro, ten que agardar”, indicaron.

Sobre as queixas de pacientes e enfermaría, desde o Álvaro Cunqueiro salientaron que as incidencias médicas desta fin de semana “foron normais”, comparables a calquera outra fin de semana, a pesar da vaga de calor. Así, o sábado houbo 346 persoas atentidadas e o domingo 369. “A media de xullo foi 369”, indicaron. Por iso, negaron que houbera desatención ou falla de persoal porque, insistiron, “tratouse dunha fin de semana normal”

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...