InicioSociedadeFolga nos centros de saúde do Baixo Miño ante a "especial gravidade"...

Folga nos centros de saúde do Baixo Miño ante a “especial gravidade” da deterioración na atención primaria

O martes haberá unha manifestación que partirá da Alameda do Rosal.

PUBLICADO O

- Advertisement -

CIG convocou unha folga para os días 21, 22 e 23 de decembro, martes, mércores e xoves, nos centros de saúde do Rosal, A Guarda e Oia en defensa de “unha asistencia sanitaria digna”. Ademais, o martes unha manifestación arrincará ás 19,30 horas da Alameda do Rosal. Nun comunicado, o sindicato puxo o foco en “a especial gravidade” da “deterioración da atención primaria nestes tres municipios”, con “gran repercusión na poboación da zona”.

Tamén denunciou o establecemento duns servizos mínimos “abusivos” que “non se axustan á realidade actual dos centros” por parte do Sergas, co que este mércores se mantivo unha negociación que “se pechou sen acordo”.

Así as cousas, a central considerou que os servizos mínimos establecidos “demostran que o persoal destes centros ten que asumir de forma habitual e reiterada no tempo un volume de traballo enorme e desproporcionado en canto aos recursos. Ademais, advertiu de que esta situación “recupercute negativamente na poboación da zona”, á que o comité de folga pediu “comprensión e apoio”. Adicionalmente, asegurou que a atención non demorable e urxente estará garantida durante os días de folga.

Por outra banda, a Mancomunidade Intermunicipal do Baixo Miño apoiou a convocatoria de folga ante “a rápida deterioración da atención primaria nos centros de saúde da comarca”, que “sofren unha importantísima carencia de persoal sanitario”.

Por iso, os alcaldes e alcaldesas dos municipios da mancomunidade, A Guarda, O Rosal, Tomiño e Tui, convidaron á cidadanía a participar na manifestación do próximo martes e convocaron catro concentracións conxuntas para os meses de xaneiro e febreiro.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...