InicioSociedadeConvocan unha folga nos centros de saúde e PAC do Baixo Miño...

Convocan unha folga nos centros de saúde e PAC do Baixo Miño ante a súa “grave situación”

CIG Saúde reclama máis persoal e contratos "estables e dignos". O paro terá lugar do 21 ao 24 de decembro.

PUBLICADO O

CIG Saúde anunciou este xoves a convocatoria dunha folga, do 21 ao 24 de decembro, nos centros de saúde e PAC da comarca do Baixo Miño (nos municipios da Guarda, O Rosal e Oia), ante a “grave situación” da Atención Primaria nesta zona.

A través dun comunicado, a federación de sanidade do sindicato nacionalista sinalou que este paro pretende reclamar “máis persoal e contratos estables e dignos” para os profesionais sanitarios da zona, e alertou da situación nestes municipios pola falta de profesionais.

CIG Saúde considera “irrenunciables” demandas como o aumento de persoal mediante a “convocatoria inmediata de todas as prazas necesarias en todas as categorías”, e non só estabilizando a situación do persoal actual, senón “incorporando prazas novas” en función das necesidades, o que debe permitir diminuír o cociente actual de pacientes por cada profesional.

Así mesmo, reclaman contratos “estables e dignos”, que permitan cubrir o 100 % das ausencias e garantir unha prestación asistencial de calidade, para “acabar coa situación de precariedade actual”. Outra das esixencias é a dotación dun segundo equipo de Medicina de Familia e Enfermaría na PAC da Guarda, tendo en conta as características xeográficas e sociodemográficas da poboación atendida”.

Finalmente, apuntan a necesidade de establecer “incentivos” que permitan atraer profesionais a traballar na Atención Primaria do ámbito rural, onde se demostrou a “dificultade de cobertura”.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...