InicioSociedadeUnha paciente é condenada a 6 seis meses de cárcere por agredir...

Unha paciente é condenada a 6 seis meses de cárcere por agredir a unha enfermeira

PUBLICADO O

- Advertisement -

A Asesoría Xurídica do Sindicato de Enfermaría de Galicia (SATSE) conseguiu a condena dunha paciente dun Centro de Saúde, por un delito de Atentado, á pena de 6 meses de prisión e inhabilitación para o dereito de sufraxio pasivo (pena accesoria á principal que supón a prohibición de exercer o voto electoral durante ese tempo de condena), por agredir a unha enfermeira cando esta atopábase no seu posto de traballo.

Esta condena non sería posible fai uns anos, “cando a denunciada tan só sería condenada por un delito ou falta de lesións segundo a gravidade das mesmas; moitas veces a pena reducíase a unha simple multa”, explica a Secretaria Xeral de SATSE en Galicia, Carmen García Rivas.

as enfermeiras, autoridade sanitaria

“Tras diversas presións exercidas por diversas entidades e moi particularmente desde este Sindicato de Enfermería, conseguiuse cambiar o Código Penal, cunha reforma no art.550, que recoñece aos profesionais sanitarios, entre os que se encadran as enfermeiras, como Autoridade Sanitaria”, relata.

Xa que logo, a situación cambiou radicalmente, posto que deste xeito os feitos acreditados como agresións sempre serán constitutivos de delito e castigados con pena de cárcere con independencia do resultado ou maior ou menor gravidade das lesións inferidas ao Empregado público polo usuario do servizo público.

Precisamente é o que ocorreu nesta sentenza gañada por SATSE, aínda que a agresión da paciente cara á Enfermeira “non é de especial entidade, pois non despregou unha forza intensa e non lle causou lesión ou quebrantamento físico, aínda que si psíquico do que tardou 7 días en curar”, defenden.

Polo tanto, esta persoa foi condenada a 6 meses de cárcere (que en principio non terá que cumprir por carecer de antecedentes penais), así como ao pago das costas procesais do xuízo, incluídas as da acusación particular exercida por SATSE.

“Esperemos que actúe como freo e con carácter disuasorio na produción de ataques deste tipo por parte dos usuarios dos Servizos de Saúde cara aos profesionais que exercen as súas funcións”, engade Carmen García Rivas.

SATSE presentou un proxecto de lei contra as agresións a enfermeiras e profesionais da sanidade, posto que “o 80% das enfermeiras recoñecen sufrir algún tipo de agresión física ou verbal no seu posto de traballo”.

ÚLTIMAS

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

A conexión mediante o Tren Celta a entre Vigo e O Porto volverá a funcionar a partir de decembro

O Eixo Atlántico informou de que o Tren Celta, que une as cidades de...