InicioSociedadeA maioría de tripulantes illados no buque 'Manuel Laura' poderá seguir a...

A maioría de tripulantes illados no buque ‘Manuel Laura’ poderá seguir a corentena nos seus domicilios

O buque é de bandeira británica, aínda que de capital galego; a tripulación é maioritariamente da zona do Morrazo.

PUBLICADO O

A maioría dos 9 tripulantes que permanecen illados no pesqueiro ‘Manuel Laura’, onde se detectou un gromo de Covid con 9 casos e que permanece atracado no Porto de Vigo, poderán abandonar o buque e continuar a corentena nos seus domicilios.

Segundo informaron fontes sanitarias, a xefatura provincial de Sanidade comunicou ao armador do buque, de bandeira británica (aínda que de capital galego) e cuxa tripulación é maioritariamente da zona do Morrazo, que “non existe inconveniente para que os positivos e os seus contactos que están a bordo poidan realizar os seus illamentos ou corentenas nos seus domicilios”.

No entanto, hai unha excepción, o caso dun dos tripulantes, que permanecerá a bordo porque “non pode garantir as condicións de illamento na súa casa”.

Entre os 12 tripulantes do ‘Manuel Laura’ confirmáronse ata agora, tras as probas PCR realizadas nas últimas horas, 9 casos de Covid. Do total de infectados, tres foron ingresados no Hospital Álvaro Cunqueiro de Vigo.

O pesqueiro partiu hai uns días cara a Gran Sol e, en plena travesía, un dos tripulantes comezou a sentirse indisposto. Seguindo o protocolo e tras contactar co Centro Radio Médico de Madrid, dirixíronse ao porto irlandés de Castletownbere, pero non recibiron asistencia médica por parte das autoridades irlandesas e víronse obrigados a regresar ao porto vigués, onde chegaron á primeira hora da tarde deste martes.

O BNG reclama ao Goberno que investigue a denegación de auxilio á tripulación do “Manuel Laura”, con varios casos de Covid

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...