InicioSociedadeO BNG de Vigo esixe unha auditoría das depuradoras e denuncia "cheiros...

O BNG de Vigo esixe unha auditoría das depuradoras e denuncia “cheiros insoportables” en Coruxo

Critica que a dirección da EDAR "ignorou as queixas dos veciños".

PUBLICADO O

O BNG de Vigo reclamou ao goberno municipal que realice auditorías sobre o funcionamento das estacións depuradoras da cidade e, en concreto, denunciou “cheiros insoportables e irrespirables” na parroquia de Coruxo (onde se sitúa a EDAR do Lagares), segundo trasladan os propios veciños.

O concelleiro nacionalista, Xabier Pérez Igrexas, contactou coa Asociación de Veciños de Coruxo e criticou a actitude da dirección da EDAR de Coruxo, “que se negou a atender aos veciños” e “ignorou as súas queixas” ata que chegou a Policía Local, negándose a recoñecer os malos cheiros. Así mesmo, censurou tamén “a inacción do Goberno municipal, que non deu a cara nin ningunha explicación ata o momento”.

Por esta situación, o BNG vai solicitar ao goberno local información detallada sobre o sucedido e ter acceso ao atestado policial, así como ao rexistro de emisións co que a propia depuradora monitora o seu funcionamento.

Pérez Igrexas subliñou a necesidade de facer unha “auditoría técnica” para valorar o funcionamento desta depuradora e outras da cidade, co fin de resolver posibles incidencias e “garantir o estrito cumprimento dos estándares ambientais”. ”

Levamos meses denunciando as incidencias na EDAR, en forma de alivios de auga sen depurar con demasiada frecuencia, no caso de Teis, e agora, con este novo capítulo de malos cheiros en Coruxo”, sinalou o concelleiro, que engadiu que “non é aceptable que os veciños de Coruxo volvan pagar as consecuencias do mal funcionamento da depuradora”.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...