Varios concellos da área de Vigo terán algún tipo de restricións esta semana, mentres que Vigo continúa con nivel medio de restricións despois de dúas semanas. Así o decidiu o comité clínico que asesora á Xunta de Galicia na xestión da pandemia provocada pola covid-19 que engadiu tamén a Cambados entre os concellos co nivel máximo de restricións no que continúan Vilanova de Arousa, Cualedro e Laza.

Deste xeito, en nivel alto de restricións estarán os concellos da Merca, A Pastoriza, Marín, Gondomar, Salceda de Caselas, Padrón, Mesía, Ribeira, Coristanco e A Laracha.

Ademais, as medidas do nivel medio serán de obrigado cumprimento nos termos municipais de Carballeda de Valdeorras, Verea, Muíños, Verín, Xinzo de Limia, Allariz, Toén, Chantada, Meira, Cerdedo-Cotobade, Vilagarcía de Arousa, Soutomaior, Fornelos de Montes, Cangas, O Porriño, Tui, Vigo, Nigrán, Lalín, Silleda, Noia, Melide, Ordes, Carballo, Betanzos e Cambre

No resto dos concellos galegos estarán vixentes as restricións fixadas no nivel medio baixo. Todas estas medidas entrarán en vigor ás 00,00 horas do vindeiro venres, 7 de maio.