InicioSociedadeAcepta pagar multas por 1.080 euros por enviar imaxes sexuais por redes...

Acepta pagar multas por 1.080 euros por enviar imaxes sexuais por redes sociais a un menor en Vigo

O menor de 13 anos fíxose pasar por unha moza de 16 nos.

PUBLICADO O

- Advertisement -

Un home acusado de dous delitos contra a liberdade sexual por enviar imaxes con contido pornográfico a un menor a través de redes sociais aceptou a condena imposta pola sala do Penal número 3 de Vigo, que foi de dúas multas que suman 1.080 euros.

Así se confirmou este martes na vista celebrada tras un acordo de conformidade entre as partes. A sentenza, que xa foi declarada firme, tamén recolle que o acusado deberá indemnizar en 1.500 euros ao menor por danos morais e, de feito, o home xa consignou tanto o importe da multa como a indemnización.

Segundo o escrito de acusación da Fiscalía, o procesado contactou cun menor a través dunha rede social en maio do ano pasado. O menor fíxose pasar por unha moza de 15 anos, mentres que o acusado afirmou ter 35 anos.

Ao longo de dúas semanas ambos mantiveron contacto a través desa rede e o acusado, crendo que conversaba cunha moza, pediulle que lle enviase fotos espida, e mantivo co menor (de 13 anos de idade) diálogos sobre sexo explícitos, chegando a simular que mantiña relacións sexuais co seu interlocutor. O acusado tamén pediu á suposta moza que fose con el á praia, e instoulle a intercambiarse fotos espidos por WhatsApp.

Posteriormente contactou coa vítima a través de Twitter e envioulle un vídeo con escenas explícitas de sexo entre adultos, así como unha ligazón para ver unha conta de Twitter con contido pornográfico.

O procesado ten antecedentes médicos por unha minusvalía conxénita con cardiopatía, alteracións óseas e discapacidade intelectual, cun coeficiente intelectual normal-baixo e limitacións comunicativas e cognitivas que afectan as súas capacidades de maneira leve. Por iso aplícaselle a circunstancia atenuante de anomalía psíquica.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...