InicioSociedadeCondenado a máis de 25 anos de prisión por violar e atar...

Condenado a máis de 25 anos de prisión por violar e atar e golpear a súa dona

O condenado controlaba a forma de vestir da vítima, as persoas coas que se relacionaba e mesmo cando podía ver a televisión.

PUBLICADO O

A sección cuarta da Audiencia Provincial de Pontevedra condenou a penas que suman 25 anos e 7 meses de prisión a un home por agredir sexualmente e maltratar de forma habitual á súa parella, coa que convivía nun domicilio de Vigo.

O tribunal considera probado que o acusado, que ten unha filla en común coa vítima, é autor dun delito continuado de agresión sexual, un delito de lesións contra a muller, un delito de malos tratos habituais no ámbito da violencia de xénero, un delito de detención ilegal e un delito de revelación de segredos.

Segundo a sentenza, a Audiencia considera probado que o home insultaba e menosprezaba a súa parella de forma constante, especialmente desde que naceu a filla de ambos, cuestionando o seu aspecto físico ou a súa capacidade como nai. Así mesmo, sinala na súa resolución que o acusado controlaba a forma de vestir da vítima, as persoas coas que se relacionaba e mesmo cando podía ver a televisión.

No marco desa relación de control, o home impedía á súa parella que se relacionase coa súa familia, e mesmo cortou a relación da filla de ambos coa familia materna, que apenas coñecía á menor.

Entre os feitos que considera probados, sinala que, un día de febreiro de 2018, cando a muller regresou a casa tras celebrar os seus aniversarios cunhas amigas, o acusado pechoulle a porta (a muller non dispuña de chaves) e impediulle entrar na vivenda, obrigando á vítima a pasar a noite nunha furgoneta que tiñan na leira.

AGRESIÓN SEXUAL

Así mesmo, en outubro de 2019, unha noite o acusado esperou a que a súa muller chegase de traballar e, coa escusa de que necesitaba axuda para cargar uns mobles que había no taller de carpintaría que tiñan na vivenda, encerrouna no taller.

Unha vez pechada a porta, instouna a explicarlle quen era un home que figuraba entre os contactos do seu teléfono móbil e, aínda que ela dixo que non era ninguén, a súa parella propinoulle unha labazada e comezou a golpeala coa man e cunha corda por todo o corpo, mentres a insultaba. Ademais, o acusado atoulle as mans e as pernas e díxolle que ía durmir “como un can” no taller.

A Audiencia sinala que, nese “marco de humillación e temor”, o acusado espiuna de cintura para abaixo e fíxolle fotos, que logo enviou ao contacto polo que lle preguntou (e que foi precisamente a persoa que, ao recibir as fotografías, avisou á Policía), e que a agrediu sexualmente.

A muller foi rescatada horas despois pola Policía e, aínda que inicialmente non quixo denunciar a situación polo medo que tiña ao acusado, por temor a perder a custodia da súa filla, e por ter as súas capacidades totalmente anuladas, acabou por relatar no xuízo o ocorrido. De feito, o tribunal destacou na súa resolución que o seu testemuño foi “contundente, sincero e convincente”, realizado sen ánimo espúreo.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un conductor que superaba por cinco puntos a taxa de alcol permitida

A Policía Local de Redondela interceptou o pasado domingo a un home, veciño de...