A menor de 9 anos que foi ingresada na Unidade de Coidados Intensivos (UCI) do Hospital Álvaro Cunqueiro de Vigo para ser atendida como consecuencia da súa infección polo SAR-Cov-2 evoluciona de forma “favorable“, segundo confirmaron a Europa Press fontes sanitarias.

Fontes do Sergas explicaron este domingo que a menor evolucionaba “moi ben” e precisaron que houbo outros nenos de idades similares que foron trasladados á UCI de hospitais doutras áreas sanitarias da comunidade tras contaxiarse.

Galicia conta, segundo os datos actualizados este luns, cun total de 398 persoas ingresadas, mentres que en unidades de críticos hai un total de 79.