InicioVigo e contornaO PorriñoUn veciño do Porriño identifícase como diplomático da 'República Errante de Menda...

Un veciño do Porriño identifícase como diplomático da ‘República Errante de Menda Lerenda’ ao ser detido

O home era buscado por un xulgado xunto coa súa parella por non escolarizar os seus fillos. Tras der arrestado dixo "non ten obriga" de escolarizalos xa que "non recoñece" o Estado español.

PUBLICADO O

A Policía Local do Porrriño detivo a un veciño desta localidade sobre o que pesaba unha orde de arresto dun xulgado de Vigo e que se identificou como diplomático do “mini estado” da ‘República Errante de Menda Lerenda’.

O arrestado, segundo informa este domingo o concello porriñés, foi localizado nun control da policía municipal na avenida Domingo Bueno. Ante o requirimento dos axentes, non lles mostrou o seu DNI, senón un papel que, supostamente, acreditaba a súa condición de diplomático desa ficticia nación.

Os axentes procederon ao seu traslado ao cuartel da Garda Civil para a súa identificación. Resultou ser un veciño do municipio de 44 anos idade que era buscado xunto coa súa parella por un xulgado vigués por non escolarizar os seus fillos, que abandonaron o colexio ao que asistían en Mos o pasado mes de decembro alegando que marchaban a vivir a Portugal.

Cuestionado por este asunto, o individuo asegurou que “non ten obriga” de escolarizalos xa que “non recoñece” o Estado español e a educación docente dos seus fillos desempéñase na súa casa e corre a cargo dos seus proxenitores.

Tras ser identifacado no cuartel da Garda Civil, o home foi levado ás dependencias da Policía Local do Porriño en calidade de detido. Alí, no momento en que se lle leron os dereitos, solicitou que fose avisado “o cónsul” da Repúblca Errante do Menda Lerenda.

A continuación, prestou declaración ante o xulgado, onde se ratificou na súa negativa a recoñecer a súa condición de cidadán español e, mesmo, negando ser a persoa identificada polos axentes, apelando ao seu suposto nome nese Estado ao que di representar.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...