InicioSociedadeA Xunta permite a mobilidade para a práctica da caza incluso con...

A Xunta permite a mobilidade para a práctica da caza incluso con persoas non conviventes

PUBLICADO O

O DOG vén de publicar a letra pequena da situación de “semiconfinamento” instaurada pola Xunta de Galicia ata, polo menos, mediados de febreiro para tentar aplacar o crecemento exponencial de contaxios e hospitalizados rexistrados nas últimas semanas. O documento vén de chamar a atención poque inclúe novidades significativas con respecto a modelos de restricións anteriores, como, por exemplo, a posibilidade de que matrimonios e parellas informais poidan verse malia non ser conviventes.

Non causou sensacións tan positivas o anuncio da Xunta de Galicia de que permitiría aos cazadores da Comunidade o desprazamento pola totalidade do territorio. O anuncio, recollido no artigo 6 do DOG, non discrimina expresamente entre practicantes federados e non federados, pero si limita –a diferenza de anuncios anteriores– a práctica permitida á caza de xabarín e lobo en supostos concretos.

XABARÍN E LOBO

De acordo co mesmo texto, a Xunta non aplicaría as limitacións de entrada e saída dos municipios a todas aquelas persoas que desenvolvan “accións de caza sobre o xabarín” desenvoltas de acordo cos “plans anuais de aproveitamente cinexético”. Máis restritivo é o caso do lobo, que tan só se poderá cazar no caso de “danos á agricultura ou á gandaría”.

Este mesmo suposto cúmprese tamén para o xabarín. Por último, as autoridades autonómicas volven permitir a mobilidade dos cazadores que vaian desenvolver batidas destinadas a frear “accidentes graves de tráfico reiterados nun único punto quilométrico”. A Xunta anuncia así a práctica liberdade de movementos para os cazadores galegos semanas despois de recibir duras críticas por un movemento semellante na vaga de restricións aprobadas a finais do ano pasado, momento no que tamén foi duramente criticada polo movemento ecoloxista galego a razón dunha suposta “violación da lei” con vistas a favorecer o lobby cinexético.

Please wait while you are redirected...or Click Here if you do not want to wait.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...