O Sindicato de Enfermería, SATSE, “suspende” aos gobernos autonómicos, posto que consideran neglixente que, unha vez finalizado o actual curso escolar, os centros educativos non conten cunha enfermeira “que atenda as necesidades sanitarias e de adquisición de hábitos de vida saudable dos seus alumnos”.
Finalizado o curso escolar 2017-18 en todo o Estado, o Sindicato de Enfermería analizou a situación existente nas diferentes comunidades autónomas “e volveu a constatar o escaso interese das administracións públicas autonómicas por implantar de xeito xeneralizado a figura da enfermeira escolar”.
“As supostas dificultades presupuestarias seguen sendo o argumento esgrimido para non contar cun enfermeiro en cada centro escolar co obxectivo de atender as necesidades sanitarias dos escolares, como poden ser a administración de tratamentos, o control da alimentación ou a asistencia en caso de enfermidade ou accidentes“, lamentan.
Sería necesario, defenden desde SATSE, “desenvolver un labor informativo de promoción e adquisición de hábitos saudables nos nenos e novos, así como actuacións de prevención e detección de problemas de saúde física, psicolóxica ou emocional: enfermidades, bullying, desordes alimentarios, acoso, adiccións…”.
Respecto diso, SATSE insiste en que “o custo de contar cun enfermeiro nun centro educativo é irrisorio en comparación co gasto total que se destina na atención e coidados de enfermidades que poden evitarse cunha educación sanitaria e hábitos de vida saudables”.
Polo tanto, reclaman que os diferentes gobernos autonómicos “volvan de vacacións coa clara intención de implantar de xeito progresivo e xeneralizado a figura da enfermeira escolar a partir do próximo curso 2018-2019”.
“Son moitos 60 euros ao día para asegurar que todos os nenos e nenas dun centro escolar poidan ser atendidos por un profesional sanitario competente de xeito inmediato se xorde calquera incidente ou se algúns deles sofren problemas de saúde crónicos, como a diabetes, o asma, as alergias ou a epilepsia?”, apuntan desde a organización sindical.
Neste sentido, SATSE asevera que “contar cunha enfermeira nun centro educativo favorece a tranquilidade e seguridade dos pais, que saben que os seus fillos están en mans de profesionais sanitarios cualificados”.
De igual xeito, o profesional de Enfermería “pode desenvolver un papel fundamental como axente mediador entre os pais e o profesorado do centro escolar, para mellorar os hábitos de saúde de todos os seus estudantes, dándolles a coñecer a mellor forma para coidarse eles mesmos e coidar aos demais”.
Tamén entenden que a presenza dunha enfermeira ou enfermeiro no centro escolar evitaría que o profesorado teña que asumir responsabilidades para as que non ten competencias nin formación específica.
A modo de exemplo, SATSE sinala que os enfermeiros poden xogar un labor moi importante nos centros educativos para reducir a elevada porcentaxe de nenos e novos españois con sobrepeso.
Segundo o último informe da OCDE, cerca do 40 por cento dos nenos e mozos entre 8 e 17 anos teñen sobrepeso en España, mentres que a media dos países da OCDE é un 24,6 por cento.
Para rematar, o Sindicato de Enfermería recorda que a adquisición de hábitos de vida
saudables en idades tempranas conlleva a redución de riscos de ter enfermidades futuras, co consiguiente beneficio para a saúde e o benestar das persoas e o aforro económico para o sistema sanitario.
