A Deputación de Pontevedra levou a súa campaña a favor da adquisición de xoguetes non sexistas aos autobuses urbanos de Vigo, cunha iniciativa de difusión mediante a instalación de vinilos na parte traseira dos vehículos e con vídeos que se proxectarán no interior.

A campaña, que se pon en marcha por sexto ano consecutivo e inclúe diversas accións divulgativas, esténdese deste xeito ao transporte colectivo da cidade olívica, coa rotulación de dous buses das liñas H e 17, que percorren tanto o centro urbano como áreas do rural. Ademais, estes dous autocares proxectarán nas pantallas interiores un vídeo-animación alusiva á campaña.

Durante a presentación da iniciativa, a presidenta da Deputación, Carmela Silva, lembrou a importancia dos xoguetes na educación dos nenos, e apuntou que, se se compran diferentes xoguetes para nenos e para nenas, dicir que “teñen distintas posibilidades de ter presenza no mundo”, o que é “absolutamente falso”.

Pola súa banda, o alcalde de Vigo, Abel Caballero, incidiu na necesidade de que os nenos e as nenas “vivan desde pequenos na igualdade”, un valor que “debe ser asumido que forme parte da cultura”.