InicioSociedadeUnha imaxe dun paciente Covid na UCI de Povisa, elexida entre as...

Unha imaxe dun paciente Covid na UCI de Povisa, elexida entre as mellores do ano por AFP

A foto foi tomada na primeira onda da pandemia.

PUBLICADO O

 Unha imaxe captada polo fotoxornalista galego Miguel Riopa na UCI-Covid de Povisa foi seleccionada entre as 120 mellores fotografías publicadas en todo o mundo pola Axencia France Press durante 2020.

Nos primeiros días de abril, nun dos períodos máis críticos da pandemia, Riopa uniuse ao equipo de profesionais da UCI-Covid de Povisa e compartiu durante horas o seu esforzo por sacar adiante aos pacientes máis afectados polo virus. “O resultado dese traballo foi unha serie de impactantes imaxes que reflicten non só o compromiso profesional, senón tamén o empeño do equipo de médicos, enfermeiras e terapeutas de Povisa por transmitir proximidade e agarimo a esas persoas sometidas a un estrito illamento”, apuntan desde o propio hospital a través dun comunicado.

A reportaxe gráfica de Miguel Riopa publicouse en medios de comunicación dos cinco continentes, entre eles en xornais de Estados Unidos, Xapón, Oriente Medio, América Latina e África. A imaxe seleccionada forma parte, ademais, da exposición Galicia en albas, patrocinada por Abanca e que aínda se pode visitar na Praza da Fábrica de Tabacos da Coruña.

Miguel Riopa traballa na Axencia France Press. Previamente traballou en Xornal Diario, Diario de Pontevedra, Diario 16 de Galicia, La Voz de Galicia y El Mundo. Ha sido corresponsal de la Agencia EFE y de Associated Press. Entre os seus múltiples galardóns atópase un II Premio do World Press Photo, o ser finalista dos World Photographic Awards e o prestixioso premio Luís Ksado.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...